Н.Назарбаев: Мемлекеттің әлеуметтік міндеті міндетті түрде орындалуы керек
9 Қыркүйек, 2016 11:23
Мемлекеттің әлеуметтік міндеті міндетті түрде орындалуы керек, деді Елбасы Нұрсұлтан Назарбаев Үкіметтің кеңейтілген отырысында.
«1 қаңтардан бастап бюджеттегілерге еңбекақыны 30 пайызға, жәрдемақы мен шәкіртақыны 25 пайызға, зейнетақыны 9 пайызға көбейтті, 670 мың адамға әлеуметтік жәрдемақыны мүгедектік бойынша өсірді, жыл сайын қамқоршы немесе асыраушы адамды жоғалтқан 400 мың балаға қолдау көрсетіліп жатыр. Мемлекеттің әлеуметтік міндеті міндетті түрде орындауы керек», - деді Елбасы.
Президент айтып өткендей, алдағы жылдары Қазақстанда осы жоспарды ұстанады.
«Денсаулық сақтау биылғы жылы бюджеттен 1 трлн теңге бөлінді, өткен жылға қарағанда 17 пайызға көп. Білім беру саласына 1,6 трлн теңге, 18 пайызға көп. Қазір жаңа жағдай нақты міндеттердің орындалуын талап етеді», - деді Мемлекет басшысы.
Ботагөз Айтжанова
