СҚО-да ҚР Тұңғыш Президенті Күніне орай жас таланттар фестивалі өтті
3 Желтоқсан, 2013 09:23
Петропавл қаласында ҚР Тұңғыш Президенті күніне арналған «Елбасы елімнің тірегі» атты жас таланттар фестивалі өтті, деп хабарлайды BNews.kz.
ҚР Тұңғыш Президенті күніне орай «Жас Отан» жастар қанаты мен жастар саясаты жөніндегі облыстық басқарма бірлесе отырып, «Елбасы елімнің тірегі» атты шара ұйымдастырды.
Фестивальге Петропавл қаласындағы университет, колледж студенттері және мектеп оқушылары қатысты. Оның ашылу салтанатында «Жас Отан» жастар қанаты облыстық филиалының атқарушы хатшысы Мұса Танақұлов жиналған қауымды мемлекеттік мерекемен құттықтап, Тәуелсіз Қазақстанның қалыптасуындағы Елбасының роліне тоқталды.
Фестивальде патриоттық шығармалар орындалды. Шара соңында барлық қатысушыларға сертификаттар табыс етілді.
