Астанада Қазақстан туралы бірінші энциклопедияны таныстырды (ФОТО)
«Кітап-сапары. Қазақстан» ҚР Тұңғыш Президент Қоры – Ұлт Көшбасшысы мен Penguin креативті агенттігімен бірге жасалынды. Оның форматы әңгімелесуші карта ретінде жасалған. Ол жерде ел туралы ең қызықты тарихи географиялық және статистикалар белгіленген.
"Қазақстан Республикасының Тұңғыш Президенті - Ұлт Көшбасшысы Қорының" атқарушы директоры Сағындық Нұраханов кітапты Қазақстанның әртараптандырылған визит карточкасы деп атады.
«Әрбір адам өзінің туып өскен жеріне еркеше ықыласпен қарайды. Көбіміз туған елдіріміздің тарихын жақсы білеміз және ол ұрпақтан ұрпаққа беріледі. Алайда, біз Қазақстан туралы толық білеміз деп айта аламыз ба? Сол себепті аталмыш жобаны құру идеясы ойымызға келді. Өздерініз білетіндей, Президент Нұрсұлтан Назарбаевтың негізгі идеясы – қазақстандық бірлікті нығайту»,-деді Қор директоры.
Оның айтуы бойынша, Тұңғыш Президент Қоры үшін бірінші кезекте ол мәдени, білім беру және әлеуметтік жоба.
«Біздің негізгі аудитория – қазақстанның жас ұрпағы»,-деді Сағындық Нұраханов.
Green Penguin креативті агенттіктің директоры Ирина Тарасенконың айтуы бойынша, бұл жобамен жарты жылдай жас дизайнерлер, тарихшылар, сарапшылар, блогерлер, саяхаттанушылар, журналистер және Қазақстан туралы білетін адамдар жұмыс жасаған.
«Біздің еліміздің бай болғандығы соншалық, барлық тарихты бір кітапқа сыйдыру мүмкін болмады. Кітап беттерінде сіздер 48 мәдени құрылымдарды, 130 табиғи нысандарды, 65 белгiлi адамдарды, 64 жануарлар мен тағы басқаларды табасыз»,-деді И. Тарасенко.
