Аты аңызға айналған La Scala театры гастрольмен «Астана Операға» келеді

"Миланның ірі театры өзімен бірге Рудольф Нуриев редакциялаған Людвиг Минкустың «Дон Кихот» балеттік спектаклін алып келеді. Қазақстандық көрермен итальяндық шеберлер ұсынатын, қайғылы рыцарь Дон Кихоттың мінсіз бейнесін 2014 жылдың 30 маусымы мен 4 шілде аралығында бағалай алады", - делінген хабарламада. 

Испандық халықтық нақыштағы көріністердің көркем декорациясын Рафаэль дель Савио жасап, костюмдерді Анна Анни әзірлеген. Спектакльді өңдеген және бейімдеген Джон Ланчбери. Аты аңызға айналған итальяндық әртістер «Астана Опера» театрының симфониялық оркестрінің сүйемелдеуімен өнер көрсетеді.

Бағасы 500-ден 30 000 теңгеге дейін болатын «Дон Кихот» балеттік спектаклінің билеттері ағымдағы жылдың желтоқсанында сатыла бастайтынын айта кеткен маңызды. Билеттерді қойылымға дейін бір жыл бұрын сататын үздік театрлардың тәжірибесін «Астана Опера» театры да өз тәртібіне енгізеді.