Мемлекет отбасы институтын дамытуға барынша қолдау көрсетуде - МСМ
Үстіміздегі жылы үкіметтік емес ұйымдармен ортақ жобаларды жүзеге асыратын әлеуметтік саладағы бюджеттік бағдарламалар әкімгерлерінің саны артты. Жалпы 2016 жылы республика бойынша түрлі бағыттар бойынша, соның ішінде гендерлік саясат саласында 1600 әлеуметтік жобаны жүзеге асыру жоспарланған.
«Мемлекеттік органдардың үкіметтік емес ұйымдармен гендерлік саясат саласындағы бірлескен жұмысы әлеуметтік жобалар санының өсуімен қатар, гендерлік саясатты жүзеге асыруға бөлінетін бюджет қаржысының көлемін арттыруға да мүмкіндік берді», - делінген хабарламада.
“Соңғы 5 жыл ішінде ел бойынша гендерлік саясат аясында 500-ден аса әлеуметтік жоба жүзеге асырылса, Гендірлік теңдік стратегиясының «Қоғамдық-саяси өмірде гендірлік теңдікке қол жеткізу» бағытын жүзеге асыру аясында Қазақстанда Әйелдер көшбасшылығы мектептерінің республикалық желісі құрылды. Оның құрамына мемлекеттің барлық аймақтарынан 69 үкіметтік емес ұйым енді”, - делінген хабарламада.
Әйелдер көшбасшылығы мектептері аясында көшбасшы әйелдерді тұлғалық өсім мен оларды қоғамның әлеуметтік мәселелерін шешуде белсендіруге бағытталған семинар-тренингтер, шеберлік сағаттарында оқыту үрдісі жүйелі түрде жүргізіледі. Өзекті мәселелерді жергілікті деңгейде шешу үшін халықтың әлеуметтік аз қамтылған топтармен кездесулер ұйымдастырылады.
«Мемлекет тарапынан отбасы институтын қолдау ресурс орталықтарын, кризис орталықтарын қолдау, отбасы, үлгі аларлық әкелер байқауларын, мүгедек әйелдер арасында шығармашылық байқауларын ұйымдастыру бағытында жан-жақты жұмыс жүргізіліп келеді», - деп қосты ҚР МСМ Тілдерді дамыту және қоғамдық-саяси жұмыс комитетінің төрағасы.
