Ақтөбе облысында жол құрылысы мен жөндеу жұмыстарына 8 млрд теңге бағытталды
7 Қыркүйек, 2016 19:21
Ақтөбе облысында құрылыс-монтаж жұмыстарымен 169,9 шақырым республикалық және облыстық маңыздағы автожол қамтылған.Бұл туралы өңір басшысы Бердібек Сапарбаевтың төрағалығымен өткен аппараттық кеңесте мәлім болды.
Өңірде 4 көпір, 1 су жіберу құбыры, мен 41 көшенің құрылысы жүруде: Ақтөбеде – 33 көше, 8 – аудан орталықтарында. Жұмыстар кестеге сәйкес жүргізіліп жатыр, тек кейбір жобалар бойынша кестеден қалу жағдайы тіркеліп отыр, ол нысанды уақытылы тапсыруға әсер етпейді, деп хабарлады облыс әкімдігі.
Биыл автожолдарды қаржыландыру 2015 жылмен салыстырғанда 3 млрд 182 млн теңгеге өсіп, 8 млрд 165 млн теңгеден асты.
«Біз мәселенің шешілуі үшін әрі қарай қаржы тартумен айналыса береміз. Елбасы көлік инфрақұрылымының дамуына аса назар аударады. Ең бастысы - жұмыстарды тұрақты түрде тексеріп, бақылау», - деді Б.Сапарбаев.
