А.Ержан: Қажеттілігі жоғары жандар мемлекеттік бағдарламалар бойынша пәтер алуға қатысуы керек

7 Қыркүйек, 2016 16:07

Қазақстандағы мүмкіндігі шектеулі жандар мемлекеттік бағдарламалар аясында пәтер алуға үміткер болулары керек. Бұл туралы «еКОМЕК» қайырымдылық қоры» ҚҚ директоры Алмаз Ержан «Бірлестік жолы: Инклюзивтік қоғам, мүмкіндігі шектеулі жандар мәселесі мен оларды шешу» дөңгелек үстелі барысында айтты.

Шара «Бірлестік жолы» жобасын жүзеге асыру аясында өткізіліп отыр. Оның мақсаты мемлекеттік бағдарламалар мен консруктивтік ұсыныстар дайындау бойынша пікірталас аймағын қалыптастыру. Мүмкіндігі шектеулі жандардың сапалы өмір сүруін қамтамасыз ету. Ұйымдастырушылар: «еКОМЕК» қайырымдылық қоры Астана қаласындағы «Даму» қоры» АҚ өңірлік филиалы USAID аясында өткізді.

««еКОМЕК» қоры «Бірлестік жолы» бағдарламасын жүзеге асырып жатыр, біз онда пәтер мәселесін көтеріп жатырмыз.Демек, бүгінде мүгедектерге баспана тек әкімдік аясында беріледі, ал «Тұрғын үй құрылыс жинақ банкі» АҚ аясында, Қазақстандық ипотекалық компания. Жалға беру пәтері, өзге бағдарламалар қатарына мүгедектер қосылмаған. Біз сол бойынша жұмыс істеп жатырмыз. Қазақстандағы мүгедектердің 400 мыңы жұмыс істей алады. Сондықтан бұл орайда теңсіздік пайда болып, мүгедектердің мүмкіндігі ескерілмей жатыр», - деді А.Ержан.

«Бұл бізге халықаралық құқық күшін береді, қазір мүгедектер құқықтық алаңда жоғары мүмкіндіктерге ие, бірақ бізде заңгерлер әлеуметтік мәселелермен айналыса бермейді. Болашақта жұмысты дамытсақ, әрі қарай құқығымызды реттеп аламыз, қазір бізге өзіміздің құқық үшін күресетін заңгерлер қажет», - деді ол.

Айта кетейік, «еКОМЕК» қайырымдылық қоры» қоғамдық қоры қоғамдық және жеке ресурстарды біріктіре отырып, мүмкіндігі шектеулі жандарға өз болашағын құруға көмек береді.

Индира Кауметова

Барлық жаңалықтар