Ауғанстан елшісі: 25 жыл ішінде Қазақстан өз дамуында дәуірлік ілгерілеуге ие болды

«25 жыл ішінде Қазақстан өз дамуында дәуірлік  ілгерілеуге ие болды. Аз уақыттың ішінде ел ауқымды жетістікке жете алды. 25 жыл ішінде Қазақстан  ауқымды жетістікке жетіп, посткеңестік елдердің  көшбасшысына айналды», - деді елші.

Оның айтуынша, Тәуелсіздіктің 25 жылдығы ішінде Қазақстан  саяси және әлеуметтік-экономикалық дамуда серпін жасады.

«Қазақстандық жолды әлемнің  мойындауы жоғарғы халықаралық беделге ие болды. Мен  бұл жағдаймен пайдалана отырып айтқым келетіні, бұл мәселе біз үшін де өте маңызды, себебі Қазақстан біз үшін бауырлас, қиын шақта қол ұшын беретін  серіктес еліміз, біз оның әр жетістігіне шын көңілден қуанамыз», - деді елші.

Айта кетерлігі, биыл Қазақстан Тәуелсіздігіне 25 жыл толып отыр. Бұл уақыт аралығында Қазақстанда «Стратегия-2030» мақсаттары уақытынан бұрын орындалды.  Ел 50 дамыған ел қатарына енді. Бүгінде ел нық алға басып келеді.  Елбасының 5 институционалдық реформасын жүзеге асыру бойынша Ұлт жоспары «100 нақты қадам» жүзеге асырылып жатыр.

Индира Кауметова