А.Ахметов: Қазконтент - интернет басылымдары журналистерінің ұстаханасы

6 Қыркүйек, 2016 15:53

Қазконтент - интернет басылымдары журналистерінің ұстаханасы, деді ҚР Президенті жанындағы ОКҚ-да «Қазконтент» АҚ басқарма төрағасы Асқар Ахметов.

«Біз Астана қаласының университеттерімен тығыз қарым-қатынастамыз, оның ішінде Л.Н.Гумилев атындағы Еуразия Ұлттық университетімен ынтымақтастық меморандумға қол қойған болатынбыз. Аталмыш келісім аясында тәжірибе мен тағылымдамаға келген журналистер кейіннен жұмысқа тұруға мүмкіндік алады», - деді А.Ахметов.

Компания жетекшісінің айтуынша, «Қазконтентке» жас журналистер келіп, кейіннен жұмысқа орналасып жатады.

«Бізде 2-3 жыл жұмыс істеп жатқан адамдар бар, олардың кейбіреуі кейін жеке меншік БАҚ-қа кетіп жатады. Біз Қазақстанда бар интернет басылымдары журналистерінің үлкен ұстаханасы болып табыламыз», - деді ол.

Сондай-ақ, А.Ахметов айтып өткендей, бүгінде «Қазконтент» түлектерін жетекші республикалық БАҚ-тан көруге болады.

Ботагөз Айтжанова