Ж.Кочйигит: Жаһандық экономикалық реттеушінің қызметін БҰҰ-ға жүктеу - G20 саммитіндегі ҚР-ның уақытылы бастамасы
«Қазақстан екінші рет G20 саммитіне шақырылған ел ретінде қатысты, 2013 жылы Ресейдің, биыл Қытай Халық Республикасының шақыртылуы бойынша барды. Бұл біздің көршілес және стратегиялық серіктестермен жақсы қарым-қатынаста екенімізді көрсетеді. Біздің ел әлемдік инклюзивтік даму мен дауларды бейбіт жолмен шешуді қолдайды. Бүгінде ядролық қарусыз әлем қозғалысының идеясы мен «алдымен экономика – кейін саясат» моделі Қазақстанның бет-пердесіне айналды. Елбасымыз бейбіт келіссөздердің бастамасышысы болып әлемдік дауларды реттеудің бейбіт жолын ұсынады. Сондықтан Қазақстанның БҰҰ қауіпсіздік кеңесіне тұрақты емес мүшелігі мен G20 саммитіне қатысуы Елбасының еңбегі деп есептеймін», - деді Кочйигит.
Сарапшы атап өткендей, экономикалық дамудың орталығы Азия аймағы атануда, оның рөлі экономикалық даму мен гоесаясатта арта түсті.
«Азия тауар нарығына өте қатты әсер ете алады. Егер де бұрындары АҚШ сұранысы басты фактор болып, мұнай бағасын реттесе, қазір Азия елдері тарапынан түскен сұраныс маңызды болып отыр, ол Қытайдың басшылығымен экономикасы дамыған елдердің құрамы болып саналады», - деді маман.
Оның айтуынша, экономикадағы сарапшылар дағдарысты ғана емес, әлемдік қаржы жүйесінің құлдырауын көріп отыр. Экономика өсуі «қазаға» айналып бара жатыр.
«Сондықтан БҰҰ жұмыс істеу форматын қайта қарауды қажет етіп отыр. Оның қызметінің тиімділігін арттыру қажет», - деді спикер.
Бұл орайда Қазақстан Президентінің бастамасы - ҰҰ экономикалық және әлеуметтік кеңесін жаһандық даму кеңесіне жаңарту, жаһандық экономикалық реттеуші қызметін атқарушы күн тәртібінің өз уақытында қабылданған шешім.
Ботагөз Айтжанова
