Ақмола облысында тутұғырдың салтанатты ашылуы болып өтті
1 Желтоқсан, 2013 18:52
Көкшетауда облыс әкімі Қосман Айтмұхамбетовтың қатысуымен тутұғырдың салтанатты ашылу рәсімі өтті, деп BNews.kz аймақ басшысының баспасөз қызметіне сілтеме жасай отырып хабарлады.
«Біз бұл күні бірліктің, табандылықтың, сенімділіктің күйін кешудеміз. Болашақтың жарқын бейнесін біз әрқашан Елбасы Нұрсұлтан Назарбаевтың тұлғасымен сипаттаймыз. Біз үшін бүгін «Менің Қазақстаным» монументінің ашылуы өте маңызды», -деді аймақ басшысы.
Салтанатты жиынды одан әрі театрландырылған көрініс жалғастырды.
Жалпы композиция 4 бөліктен құралған, ол еліміздің тарихи қалыптасуын бейнелейді. Композиция авторы – Астана қаласы суретшілер кеңесінің директоры, ҚР суретшілер одағының мүшесі Игорь Гайденко.
