Беларусь «ЭКСПО-2017» көрмесіне қатысу туралы келісімге қол қойды (ФОТО)

6 Қыркүйек, 2016 09:13

«ЭКСПО-2017» халықаралық мамандандырылған көрмесінің комиссары Рәпіл Жошыбаев Беларусь Республикасына жұмыс сапарымен барды, деп хабарлады Сыртқы істер министрлігі.

Сапар аясында Р.Жошыбаев Беларусь Республикасының Сыртқы істер министрінің бірінші орынбасары Андрей Евдоченко мен белорусстық іскер ортамен кездесті.

Р. Жошыбаев Астанадағы ЭКСПО-2017 көрмесіне дайындық туралы ақпарат берді, көрме 2017 жылдың 10 маусымынан 10 қыркүйегіне дейін өтеді. «ЭКСПО-2017» халықаралық мамандандырылған көрмесінің комиссары 2017-2018 жылдары БҰҰ тұрақты емес мүшелігіне Қазақстанның кандидатурасын қолдағаны үшін Беларусь еліне алғыс білдірді.

Тараптар екіжақты ынтымақтастық мәселелерін талқылап, екі елдің салалық ведомстволарының өзара байланыстын айтып өтті. А.Евдоченко өз тарапынан көрменің тақырыбын ескерді, себебі 2020 жылға қарай Беларусь баламалы энергия көздерінің үлесін ұлғайтуға ниетті. Оған қадамдардың бірі Минск қаласында салынған қуаттылығы 5,7 МВт электр станциясы болып табылады.

Кездесудің басты қорытындысы Беларусь Республикасы ЭКСПО-2017 көрмесіне қатысу туралы келісімге қол қойды.