Жамбыл облысында 182 шағын мал бордақылау нысаны ашылады
5 Қыркүйек, 2016 17:06
Облыста 2012 жылдан бері 20 мың басқа арналған 24 мал бордақылау алаңы құрылып, жұмыс істеуде. Оның ішінде 4 мал бордақылау алаңы 3 мың басқа арналған, деп хабарлады облыс әкімдігі.
Өңірде МІҚ малын асылдандырумен 622 шаруашылық айналысады. Мұнда мал тұқымын түрлендіруге 49 602 аналық бас түседі. Жалпы падада мал тұқымын түрлендіруге түсетін асыл тұқымды аналық бас 29,8% (республикалық көрсеткіш 27,1%) қамтылған.
«Сыбаға», «Алтын Асық» және «Құлан» бағдарламалары сәтті жүзеге асырылуда. Мысалы, 2011 жылдан бері 23 400 бас МІҚ малының аналық басы әкелінсе, 2014 жылдан іске асырыла бастаған «Алтын Асық» бағдарламасы арқылы 64 300 бас қой және «Құлан» бағдарламасы аясында 4 500 бас жылқы сатып алынды.
