• Басты
  • ШҚО-да қазақстандық археологтардың бірегей жаңалықтары таныстырылады

ШҚО-да қазақстандық археологтардың бірегей жаңалықтары таныстырылады

5 Қыркүйек, 2016 20:31
Аймақ басшысы «Алтай – түркі әлемінің алтын бесігі» ғылыми-тәжірибелік конференциясының ұйымдастыру жұмыстары бойынша кеңес өткізді, деп хабарлады ШҚО ақпараттық орталығы.

Қазақстан археологиясына арналған аталмыш конференция Өскемен қаласы күнін мерекелеу аясында 9 қыркүйек күні өткізіледі. 

Ғылыми-тәжірибелік конференция жұмысына отандық ғалымдармен қатар, Ұлыбритания, Ресей, Венгрия және Түркия мемлекеттерінің ғалымдары қатысады.

9 қыркүйек күні Металлургтер мәдениет сарайы алдында бес тақырыптық киіз үй орнатылатын болады. Олар Берел қорғанындағы және Шілікті жазығындағы қазба жұмыстарына, Ұлан ауданының Аблайкит қамал-монастріне, Абай ауданындағы Қырық үңгір ескерткішіне, Тарбағатай ауданындағы Елеке сазына арналатын болады.

Келесі күні конференцияға қатысушылар № 2 Берел қорғанындағы ашық аспан астындағы мұражайымен танысады.

 

 

 

 

 

 

 

Барлық жаңалықтар