Ақтөбе облысында жыл басынан бері 17,5 мың адам жұмыспен қамтылды
5 Қыркүйек, 2016 14:49
Ақтөбе облысында кешендік жоспарға сәйкес, биыл 19 262 адам жұмыспен қамтылады, 17617 жұмыспен қамтылды. Бұл туралы облыс әкімі Бердібек Сапарбаевтың төрағалығымен өткен отырыста мәлім болды.
Өңірлерді дамыту бағдарламасы аясында 1132 ақтөбелік 152 жобаны жүзеге асыруға тартылды, 5201 адам жаңа жұмыс орындарына орналасты.
«Бизнестің жол картасы-2020» бағдарламасы аясында өңірге 7,2 млрд теңге бөлінді, 4,2 млрд теңгесі игерілді.
Ауылдық жердің 1000 тұрғыны 3 млрд теңгенің несиесіне қол жеткізді, деп хабарлады әкімдік.
«Жергілікті бюджет есебінен 1300 адам әлеуметтік орынға жұмысқа орналасты, 1349 – жастар тәжірибесіне бағытталды, 6627 – уақытша жастар тәжірибесіне бағытталып, 34 – қайта дайындыққа жіберілді», - делінген хабарламада.
