Квазимемлекеттік сектор сатып алуының ашықтығын ЕЭП сайтында бақылауға болады

«Еуразиялық Электрондық Портал - қағазсыз сатып-алу рәсімдерінің ашықтығы мен тиімділігін қамтамасыз ету үшін азаматтарға, кәсіпкерлік субъектілеріне, ұлттық холдингтер мен басқарушы компанияларына тауарлар, жұмыстар мен қызметтерді электрондық сатып-алудың сервистеріне бірыңғай кіру нүктесін беретін ақпараттық системасы. ЕЭП Қатысушысы - Порталда қызмет/жұмыс/тауарды сатып алу, сату бойынша заңды/жеке тұлғаның мүдделерің өкілдік ету өкілеттігіне ие және ұйым атынан әрекет ететін, электрондық сатып-алуға қатысу үшін ЕЭП-та орныққан тәртіпте тіркелген заңды тұлғалардың уақытша бірлестігі, жеке және/немесе заңды тұлғаның өкілетті өкілі», - деді С.Құдабаев.

Оның айтуынша,  порталдың тапсырушылары «Бәйтерек» Холдингі мен еншілес ұйымдары, Қазақстанның даму банкі, Тұрғын үй құрылыс жинақ банкі, екінші дәрежелі банктер мен коммерциялық және квазимемлекеттік сектор болып табылады.

«Аталмыш портал Қазақстан 2050 Стратегиясына сәйкес және 2015-2017 жылдарға арналған квазимемлекеттік секторды дамыту жоспарына сәйкес  әзірленді», - деді ол.

Ол айтып өткендей, 2016 жылдың 1 қыркүйегіне сәйкес, порталда 4 мың 500 сатып алу 50 млрд теңгеге жүргізілді, 100 млрд теңгеге сатып алу жүргізу көзделген, 7 мың жеткізуші тіркелген.

Компанияның мәліметі бойынша, жүргізілген сатылымдар бойынша 15 млрд теңгені құрады.

Ботагөз Айтжанова