Бразилия ЭКСПО-2017 көрмесіне қатысуын ресми түрде растады

5 Қыркүйек, 2016 10:29

Бразилия Астана қаласында 2017 жылдың 10 маусым мен 10 қыркүйек аралығында өтетін «ЭКСПО-2017» халықаралық мамандандырылған көрмесіне қатысатынын ресми түрде растады, деп хабарлады СІМ баспасөз қызметі.

Астаналық халықаралық көрмесінде Оңтүстік Америка елін бразилиялық «Итайпу Бинасионал» компаниясы Бразилияның Энергетика және тау кең қазу өнеркәсібі министрлігінің координациясы астында ұсынатын болады.

Бразилия энергия шығару бойынша «жасыл» технологияларды белсенді түрде пайдаланатын елдердің қатарына кіреді. Мемлекет жаңғыртылатын энергия көздерін пайдалану мен өндіруде едәуір тәжірибесі бар, Бразилияда тұтынылатын энергияның 45% және отынның 18% жаңғыртылады. Гидро, термоэлектрикалық, күн, жел және ядролық электр станцияларынан тұратын Бразилияның энергетикалық кешені қоршаған ортаны корғау тұрғысынан қауіпсіз. Бразилия биологиялық отынды шығаратын әлемдегі ең заманауи технологиялары бар, мысалға этанолды қант құрағынан өндеу тиімді болып табылады, себебі ол ең арзан және экологияға зиянсыз.

Бразилияның тәжірибесі қазбалар көздерін пайдаланудан жаңғыртылатын энергия көздеріне ауысуға тырысып жүрген елдерді қызықтыруда.

Жақын арада күшіне енетін азаматтардың Өзара визасыз сапары туралы Қазақстан мен Бразилия арасындағы 2016 жылғы 25 шілдеде қол қойылған Келісім ынтымақтастықтың негізгі бағыттары бойынша екіжақты қатынастарды одан әрі нығайтуға және ЭКСПО көрмесіне Латын Американың ең халқы көп елінен келушілерді тартуға ықпал етеді

Барлық жаңалықтар