Қазақстан Қытаймен бірігіп электрондық сауда платформасын құруды ұсынды

«Біз үшін әлемдік саудамен байланыстағы инновациялық тәжірибе өте маңызды. Бұл орайда бізге жаңа циклдің электрондық сауда платформасын құру қажет. Оған құрғақ порт пен кедендік қызметтер интеграциялануы керек. Өте тығыз қарым-қатынаста екі елдің пошта қызмет де жұмыс істеуі керек», -деп мәлімдеді ҚР Премьер-Министрінің бірінші орныбасары Бақытжан Сағынтаев ҚХР Чжэцзян провинциясының Ханчжоу қаласындағы «JUMORE E-commerce Co., Ltd» басқармасының төрағасы Лу Хунсянмен кездесу барысында,

Премьер-Министрдің бірінші орынбасары айтып өткендей, бұл орайда қытайлық  электрондық платформа негізінде қазақстандық электрондық интернет-дүкендерін ашу қарастырылған.

«Осы сынды дүкендерді  жеке тұлғалар мен мемлекет аша алады. Мәселен, экологиялық таза өнімдерді сату  туралы портал. Ол арқылы кез келген кәсіпкер өзіне қажетті тауарға тапсырыс бере алады. Қазақстандық бірқатар тауарлар  Қытайда оң бағаға ие. Атап айтсақ, кондитерлік бұйымдар, ауыз су, ара балы. Электрондық порталдың жоқтығынан біз оларға тауарларды таныстыра алмай отырмыз», - деді Б.Сағынтаев.