Қарағанды облысында ҚР Тұңғыш Президенті Күнін тойлауда
1 Желтоқсан, 2013 16:39
Қарағанды облысында ҚР Тұңғыш Президенті Күніне орай бірқатар мерекелік шаралар ұйымдастырылды, деп BNews.kz хабарлады.
«Жастар» спорт кешенінде 1 желтоқсан күні «Елін сүйген, елі сүйген Елбасы» аты қалалық форумы өтті. Сондай-ақ, Қала әкімінің «Дарын» сыйлығымен жастар марапатталды.
Жеткіншектер мен жасөспірімдер сарайында «Жас Ұлан» мерекелік шарасы ұйымдастырылды.
Сонымен қатар, Тұңғыш Президент Күнін Теміртау қаласының өртке қарсы қызметі де тойлап өтті. Шараның басты қонақтары Нұрсұлтан Назарбаевтың үзеңгілес достары мен «Нұр Отан» партиясының өкілдері болды.
