Астанада жыл басынан бері 486 жас маман жастар тәжірибесінен өтті
Астана әкімдігі хабарлағандай, жыл басынан бері Астана қаласы әкімдігінің Жұмыспен қамту орталығы 486 жас маманды жастар тәжірибесіне жіберді. Бүгінде, олардын 335-і алғашқы тәжірибелерін алып, 182-і тұрақты жұмысқа қабылданды.
Жастар практикасы білім беру ұйымдарының түлектеріне оқыған мамандығы бойынша алғашқы жұмыс тәжірибесін алуға бағытталған. Жастар практикасына қатысушылардың еңбекақысы мемлекеттік бюджет есебінен төленеді. Бүгінде оның мөлшері айына 53 800 теңгені құрайды.
Айта кетейік, жұмыс орындарының саны шектелмеген, бұл уақытша ғана жасалып отыр. Бұл ретте соңғы үш жылда жұмыссыздар ретінде тіркелген түлектердің жасы 29-дан аспауы керек. Жас маманның Астанада тұрақты тіркеуі, жеке куәлігі мен дипломы болуы керек.
Жұмыссыз азаматты жұмысқа қабылдау туралы шешім шығарылған жағдайда жұмыс беруші Қазақстан Республикасының Еңбек кодексіне сәйкес онымен жеке еңбек келісімшартын жасайды. Жастар практикасының ұзақтығы – 6 айдан аспайды.
