Қызылорда облысының Шиелі ауданында 12 млрд теңгенің өнеркәсіп өнімі өндірілді
2 Қыркүйек, 2016 10:28
2016 жылдың 6 айында Шиелі ауданындағы өндіріс, өнеркәсіп орындарында 12 млрд. 357 млн. теңгенің өнімі өндірілді, деп хабарлады аудан әкімінің баспасөз қызметінен.
Ал ауыл шаруашылығы саласында 2 млрд. 470 млн. теңгенің өнімі өндіріліп, өткен жылдың тиісті кезеңімен салыстырғанда 102,7 пайызға артты. «Өңірлерді дамыту» бағдарламасы шеңберінде 4 жобаға 95 094 мың теңге қаржы бөлінді. Бүгінде Шиелі кентіндегі ұзындығы 900 метр Ш.Бәкіров көшесі, ұзындығы 1 100 метр Н.Бекежанов көшесі орташа жөндеуден өткізіліп, жұмыс толық аяқталды.
Сонымен қатар Шиелі кентіндегі М.Шоқай алаңы мен «Құрметті азаматтар аллеясын» абаттандыру жұмыстары жүргізілуде.
