ШҚО-да 2016 жылы 29 мектепке дейінгі мекеме ашылады
1 Қыркүйек, 2016 20:03
Білім күні Шығыс Қазақстанда 794 мектепке дейінгі мекеме жұмысқа кірісті.
ШҚО ақпараттық орталығы хабарлағандай, 29 жоспарланған балабақшаның 6-уы есіктерін айқара ашты.
Оның ішінде Өскемен, Абай және Жарма ауданындағы 4 балабақша бар. Зайсаң ауданында шағын орталық пен балабақша жұмыс істей бастады. Мектепке дейінгі мекемелер жанынан 539 орындық топтар ашылды.
Мектепке дейінгі мекеме өңірдегі 68 889 баланы қамтап отыр. Өскемен, Семей, Риддер қалалары мен Глубковский, Зайсаң, Зырян аудандарында осы сынды мекемелер тапшы болып отыр. Жалпы, 21 762 бала кезекте тұр.
