• Басты
  • Жамбыл облысының мектептерінде жаңа оқу жылында 210 мың оқушы білім алады (ФОТО)

Жамбыл облысының мектептерінде жаңа оқу жылында 210 мың оқушы білім алады (ФОТО)

1 Қыркүйек, 2016 18:34
Бүгін Тараз қаласы Құмшағал алқабында жаңа 300 орындық мектеп ашылды. Мектептің салтанатты ашылуына өңір басшысы Кәрім Көкірекбаев қатысты, деп хабарлады облыс әкімдігінің баспасөз қызметі.

Мектептің құрылысын мердігер ЖШС «Ник Тараз» 2015 жылы бастады. Оқу орнында 67 оқытушы жұмыс істейді. Ғимарат барлық қажетті материалдық-техникалық базасымен жабдықталған. Жобалық сметалық құны 746 млн. 348 мың теңге құрады.

Сондай-ақ, тағы 4 мектеп жаңа оқу жылында пайдалануға берілді. 1 қыркүйек күні Жуалы ауданындағы Қошқарата ауылында 180 орындық орта мектебі, Т. Рысқұлов ауданындағы Әбжапар ауылында 150 орындық орта мектебі, Байзақ ауданындағы Түймекент ауылында 300 орындық орта мектебі және Талас ауданыдағы Есейхан ауылында 120 орынға арналған орта мектебі ашылды.

Жаңа оқу жылында облыс мектептерінде 210 мың оқушы оқитын болады, оның ішінде 26 379 оқушы бірінші сыныпқа барды.

Ағымдағы жылы 19 білім беру объектілерінің құрылыс жұмыстары жүргізілуде, оған 6,4 млрд. теңге бөлінді. Соның ішінде 7 білім беру нысандары «Нұрлы жол» бағдарламасы бойынша салынуда.

42 білім беру нысандарына күрделі жөндеу жұмысыны 4 млрд. 477 млн. 694 мың теңге бөлінді.

Оқулықтар мен оқу-әдістемелік кешендерді сатып алу үшін 2016 жылы 1-8 сыныптарға бюджеттен 1 млрд. 78 млн. теңге бөлінді. Бүгінгі күні оқушылар оқулықтармен 100% қамтамасыз етілді.

Мектеп жоқ елді мекендерде тұратын балалар тасымалдаумен толық қамтамасыз етілген.

Қазіргі уақытта "Бақытты балалық шақ аумағы" ұранымен өтіп жатқан дәстүрлі жалпыреспубликалық қайырымдылық "Мектепке жол" акциясы жалғасуда.

Ағымдағы жылдың 30 қыркүйегіне дейін жалғасын табатын акцияның кезінде тұрмысы төмен отбасы балаларын мектепке қажетті киім-кешек, құрал-жабдықтармен қамты үшін жергілікті бюджет есебінен және демеушілер арқылы көмек көрсетілуде.

Барлық жаңалықтар