«Ядросыз әлем құру» конференциясының қорытындысы Берлинде талқыланды (ФОТО)
1 Қыркүйек, 2016 16:54
Астанадағы «Ядролық қарусыз әлем құру» халықаралық конференциясының қорытындысы бойынша Берлинде неміс журналистері мен ядролық қарусыздану саласындағы сарапшыларға арналған брифинг ұйымдастырылды, деп хабарлады СІМ.
Өз баяндамасында Германиядағы Қазақстан елшісі Болат Нүсіпов аталмыш форумның қорытындысы бойынша нақты ақпарат берді, шара Семей полигонының жабылуына 25 жыл толуына арналған болатын. Шараға 50 елдің делегаты қатысты.
Б.Нүсіпов айтып өткендей, Қазақстан БҰҰ Қауіпсіздік кеңесінің 2017-2018 жылдардағы тұрақты емес мүшесі ретінде әлем мен қауіпсіздікті нығайту бойынша өзінің белсенді саясатын ұсынатын болады. Сондай-ақ, Елбасы Нұрсұлтан Назарбаевтың «Әлем. XXI ғасыр» манифестіндегі бастамалар жүзеге асырылмақ.
Брифинг барысында конференцияға қатысушылар IPS халықаралық бюро президенті Райнер Браун пен Energy Watch Group қорының президенті – Бундестагтің экс депутаты Ханс-Йозеф Фель Астанадағы шараны бағалауының нәтижесімен бөлісті.
