ШҚО-да 23 мыңға жуық оқушы бірінші сыныпқа барды
1 Қыркүйек, 2016 19:13
Шығыс Қазақстан облысында 23 мың оқушы бірінші сыныпқа барды. Жаңа оқу жылында бірінші сынып оқушыларының саны төрт пайызға көбейіп, түлектер санынынан екі есе артты.
Шығыс Қазақстанда 180 мың оқушы білім алады. Өткен жылмен салыстырғанда олардың саны алты жарым мыңға көбйді, деп хабарлады ақпараттық орталық.
«Білім күні 664 жалпы білім беретін мектеп есіктерін айқара ашты. Жақын арада білім беру ошақтарының қатарына Курчатовтағы 600 орындық білім ордасы қосылады. Үш ауысымды білім беруді жою үшін мекеме салынуда», - делінген хабарламада.
ШҚО-ның 800 мектепке дейінгі мекемесі балаларды қабылдауға дайын. Мектепке дейінгі білім берумен қамту 99 пайызды құрады. Жыл соңына дейін тағы 29 балабақшаны ашу қарастырылған.
