Алматы облысында 100 орындық балабақша ашылды (ФОТО)
1 Қыркүйек, 2016 19:28
Жаңа оқу жылының қарсаңында Іле ауданы Ақши ауылында жаңа балабақша ашылды, деп хабарлады облыс әкімдігі.
Аудандағы балабақшалар саны 45-ке жетті. Жалпы биылдың өзінде мұнда 11 балабақша ашылғалы отыр. «Ақбота» балабақшасы 100 балаға арналған. Екі қабатты ғимаратта балаларға қажетті барлық жағдайлар жасалған.
Салтанатты басқосуға аудан әкімі Қыдыркелді Медеуов бастаған аудан активі қатысты. Жиын алдында Сыдық Дәулетов ең алдымен ауыл мәдениет үйіне бас сұғып, ауылдың мобильді кітапханасына принтер табыс етті.
