Астанада қазақстандық және ресейлік сарапшылар құқық және криминология мәселелерін талқылады
31 Тамыз, 2016 17:03
Астанада КазГЗУ Университетінде Қазақстан Республикасы жоғары оқу орындарының «Құқық» мамандықтарының тобы бойынша Оқу-әдістемелік бірлестігінің және Ресей Федерациясының жоғары оқу орындарының заң білімі бойынша Оқу-әдістемелік бірлестігінің қылмыстық құқық және криминология секциясының бірлескен отырысы өтіп жатыр.
Жиналыс ҚР Конституциялық Кеңесінің Төрағасы И. Роговтың, Бас Прокурордың орынбасары И. Меркельдің, ҚР Жоғарғы Сотының Қылмыстық істер бойынша сот алқасының төрағасы А. Рахметулиннің қатысуымен өтуде, деп хабарлады ЖОО баспасөз қызметі.
Бірлескен мәжіліс аясында И. Меркель криминалдық топтамадағы заңнаманы бір мезгілде өзгерту тәжірибесі туралы баяндады.
Сондай-ақ Қылмыстық, Қылмыстық-процестік және Қылмыстық-атқару кодекстерінің мәселелерін, құқық қолдану қызметіндегі сот тәжірибесінің рөлін, Қазақстандағы қылмыстық ахуал мен криминологиялық заңнаманы талқылау жоспарлануда.
