Н.Назарбаев: Қазақ ұлттық хореография академиясы – Орталық Азиядағы алғашқы салалық ЖОО

«Академияда дарынды ұрпақтың алаңсыз бiлiм алып, маман болып шығуына барлық жағдай жасалған. Сабақ алатын, би үйренетiн кластары өз алдына, жатақханасы бар. Мұғалiмдерге, профессорларға жататын орын бар. Барлығы қарастырылған. Мемлекеттiң мерейi оның басқа қырларымен де, рухани өнерiнiң деңгейiмен көрiнiп тұруы тиiс. Бұл ретте Академияға зор сенiм артылады. Осыны ескере келе, бiлiм ошағына арнайы «ұлттық жоғары оқу орны» мәртебесi берiлген», - деді Елбасы.

Елбасы айтып өткендей, академияда тек қазақстандықтар ғана емес, шетелдік өкілдер де білім алады.

 «Қазақ хореография академиясы уақыт өте келе  Еуразия бойынша би  мамандарын дайындайтын орталыққа айналады. Бұндай мектепті тек қана ауқаты күштi мемлекет сала алады. Жағдайы жақсы болғаннан кейiн елдiң, халықтың өнерге деген ынтасы артады. Бұндай мектеп сол кезде ғана салынады . Ол жүз жылда, мың жылда бiр ақ рет салынатын ғимарат, бiлiм ордасы», - дедi Нұрсұлтан Назарбаев.

Н.Назарбаев айтып өткендей, орталықтың болашақта даму әлеуеті өте жоғары.

Ботагөз Айтжанова