ҚР Президенті Қазақ ұлттық хореография академиясына балерина мүсіншесін тапсырды
31 Тамыз, 2016 12:11
Елбасы Нұрсұлтан Назарбаев Қазақ ұлттық хореография академиясына балерина мүсіншесін тапсырды. Ашылу барысында Елбасы айтып өткендей, мүсінше академияның түлектеріне берілетін символға айналады.
«Мен бағалы асыл тастардан жиналған балерина мүсіншесін тапсырғым келеді. Бұл академияның символы болып табылады. Жылдан жылға юұл дәстүр жалғаса бермек», - деді Елбасы Нұрсұлтан Назарбаев Қазақ ұлттық хореография академиясының ректоры, «Астана Опера» көркем балетінің жетекшісі Алтынай Асылмұратоваға тапсыра отырып.
Айта кетейік, бүгін Елбасы Нұрсұлтан Назарбаев Астанадағы Қазақ ұлттық хореография академиясын салтанатты түрде ашты. Академия астанамызда ғана емес, бүкiл Орталық Азияда теңдесi жоқ ғимарат болып табылады.
