Ақтөбе облысында Қазақстанда баламасы жоқ үй құрылысы комбинаты пайдалануға берілді

31 Тамыз, 2016 10:17

Аталмыш нысанды салған «Үй құрылыс комбинаты» ЖШС компаниясы Ақтөбе қаласының тұрғындарын қол жетімді баспанамен қамтамасыз ету бойынша мемлекеттік бағдарламаны жүзеге асыруда белсенді ат салысып келеді, деп хабарлады Ақтөбе облысы әкімінің баспасөз қызметі.

ЖШС директоры Дәулет Әлиев жаңа үй құрылысы комбинаты тұрғын үйді 100% қазақстандық мазмұнда салуға мүмкіндік беретінін айтты.

“Осы жылы біз еліміздің айтулы оқиғасы – Қазақстанның 25 жылдығын тойлаймыз. Осы жылдар аралығында еліміз 50 дамыған елдердің қатарына еніп, ТМД елдерінің алды болды. Бүгін ашқалы тұрған үй құрылысы комбинаты ҚР үдемелі индустриалды даму бағдарламасы аясында салынған болатын”,-деп атап өтті облыс әкімі Бердібек Сапарбаев.

Айта кету керек, жоба МЖС аясында «Ақтөбе» ӘКК-мен бірлесе отырып жүзеге асырылып, оған мемлекет тарапынан жан-жақты қолдау көрсетілді: 1,4 млрд теңге несие сомасының пайыздық мөлшері субсдияланып, 130 млн. астам теңге қаржыға инфроқұрылым тартылды.

Зауыттың қуаты жылына 50 мың шаршы метр тұрғын үйді құрайды, бұл жыл сайын 10 тоғыз қабатты екі кіреберісті үй салуға мүмкіндік береді.

Жалпы, ҮҚК-н іске қосу өңірде тұрғын үйге қол жеткізуді қамтамасыз етеді, ал шығарылатын өнім сапаның әлемдік стандарттарына жауап беретін болады. Өндірісте Weckenmann компаниясының құрал-жабдықтарын пайдаланылады.

Үй құрылысы комбинаты «Өңірлерді 2020 дамыту» бағдарламасын жүзеге асыру аясында қолданылатын сыртқы және ішкі қабырға панельдерін, еден плиталар, баспалдақтар және басқа да өнімдерді шығаруды жоспарлап отыр, алдағы уақытта сыртқы нарыққа шығуы ықтимал.

Шығарылатын өнімді пайдаланудағы негізгі артықшылықтың бірі – құрылыс нысандарының салу мерзімдерін 1,5-2 жылдан 1 жылға дейін, құрылыстың өзіндік құнын 30 пайызға дейін төмендетіп, сапасын арттырады.

Жаңа кәсіпорында 100-ден астам жаңа жұмыс орындары ашылды.

Барлық жаңалықтар