• Басты
  • Қызылордада 280 орындық балабақша ашылды (ФОТО)

Қызылордада 280 орындық балабақша ашылды (ФОТО)

31 Тамыз, 2016 09:37
Қызылорда облысы әкімі Қ.Көшербаев қалада 280 орындық балабақшаның ашылу салтанатына қатысты, деп хабарлады облыс әкімдігі.

Айта кетейік, қаламыздың көрікті ауданынан жаңадан берілгелі тұрған 280 орындық балабақша ғимараты соңғы үлгіге сәйкес балалардың жарық та кең, жаңа технологиялармен жабдықталған бөлмелерде тәрбие алуына ыңғайластырып салынған.

«Нұрлы жол» бағдарламасы аясында 280 орындық жаңа балабақша құрылысына республикалық бюджеттен 525 млн. теңге бөлініп, алтын қалақ құрылысшылар еңбегі арқасында мерзімінде пайдалануға берілуде.

Жалпы Қызылорда қаласында Мемлекет басшысының бастамасымен өңірлерді дамыту мақсатында қолға алынған «Нұрлы жол» бағдарламасы аясында ұлттық қор есебінен Тасбөгет кентінде 300 орындық жаңа мектептің құрылысы, «Жұмыспен қамту 2020» бағдарламасы аясында 6 мектеп, 1 балабақшаға күрделі жөндеу жұмыстары жүргізілуде.

Мұнымен қоса, мереке аясында Шиелі бағытындағы қаланың кіреберіс қақпасы пайдалануға берілмек. Сондай-ақ, аймақ басшысы қайта жаңғыртудан өткен «Нұр Отан» партиясының Қызылорда облыстық филиалының ғимаратының жұмысымен танысты.

 

Барлық жаңалықтар