• Басты
  • Елбасы Парламентаралық одақтың төрағасымен ынтымақтастықты нығайтуды талқылады
29 Тамыз, 2016 16:13

Елбасы Парламентаралық одақтың төрағасымен ынтымақтастықты нығайтуды талқылады

Нұрсұлтан Назарбаев Парламентаралық одақтың төрағасы Сабер Чоудхуримен кездесті, деп хабарлады Ақорданың баспасөз қызметі.

Елбасы Парламентаралық одақтың төрағасымен ынтымақтастықты нығайтуды талқылады | Strategy2050.kz

Кездесу барысында парламентаралық өзара іс-қимылды нығайтудың, ұйыммен ынтымақтастықты одан әрі тереңдетудің перспективалары қаралды. Тараптар сондай-ақ, халықаралық күн тәртібіндегі өзекті мәселелерді талқылады.

Мемлекет басшысы халықаралық антиядролық конференцияға қатысу үшін елімізге сапармен келгені үшін С.Чоудхуриге алғыс айтты.

Нұрсұлтан Назарбаев түрлі елдердің парламент  мүшелері арасындағы тығыз байланыстың, халықаралық қауіпсіздікті нығайту және ядролық қарудан азат әлем қалыптастыру үшін бірлесе қызмет ету жолында жұмылудың маңыздылығын атап өтті.

С.Чоудхури қонақжайлық үшін алғыс айтып, елімізбен стратегиялық және достық қарым-қатынасты одан әрі дамыту үшін барлық күш-жігерін жұмсауға дайын екенін жеткізді.

Сондай-ақ, Елбасы Ресей Федерациясының еңбек сіңірген мәдениет қайраткері, жазушы Леонид Млечинмен кездесті.

Кездесу барысында заманауи әдебиеттің ахуалы мен перспективалары, сондай-ақ қоғамдық дамудың өзекті мәселелері талқыланды.

Мемлекет басшысы жазушының және барша әдебиет өкілдерінің оқырманды мәдени әрі рухани байыту жолында сіңірген елеулі еңбегіне назар аударып, жұмысына жаңа табыс тіледі.

Л.Млечин өзінің соңғы туындылары мен алдағы шығармашылық жоспарлары туралы айтты.

 

 

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды