Қарағанды облысының әкімі Назарбаев зияткерлік мектебінің оқушыларымен кездесті

1 Желтоқсан, 2013 13:26

Тұңғыш Президент күні қарсаңында облыс әкімі Баурыжан Әбдішев қаладағы Назарбаев зияткерлік мектебінің оқушыларымен және ұстаздарымен кездесті, деп хабарлайды BNews.kz.

«Жастарымыздың білім деңгейі жоғары. Оның әлеуетін арттыру үшін бір барлық жағдайды жасаймыз, өйткені жастар аға буынның қала, аймақ және тұтас елді дамытуда бастаған ісін жастар жалғастыруы тиіс», - деді облыс әкімі.

Ол жақсы білім алу үшін мықты денсаулық керек екендігіне тоқталды. Аймақта спортпен шұғылдануға барлық жағдай жасалған. Қазір 144 көпсалалы корт, 1216 спорт алаңы, 82 аула клубы, 2032 спорт секциясы жұмыс істейді. Облыста 75 спорт түрі дамытылуда, оның 37-і олимпиадалық спорт. Назарбаев зияткерлік мектебінің өзінде спорт алаңы мен спорт залы бар.

Бауыржан Әбдішев оқушылардың сұрақтарына жауап беріп, кездесу соңында олардың Тұңғыш Президент күнімен құттықтады, әрі оқуда табыс тіледі.

Қазіргі уақытта Қарағанды қаласындағы Назарбаев зияткерлік мектебінде еліміздің түрлі өңірінен 679 оқушы оқиды. Қазір осында бір орынға 8 үміткерден келіп отыр.

Барлық жаңалықтар