Малайзия Қазақстанның іскерлік тобымен байланысты дамытуға мүдделі

СІМ хабарлағандай, әңгімелесу аясында тараптар  электрондық коммерцияны дамыту саласындағы әлеуетті талқылады.  Әңгімелесушінің мәліметінше, бүгінгі таңда әлем бойынша e-commerce нарығының көлемі  18-20 пайызды құрап отыр. Малайзияның 7 млн тұрғыны ай сайын онлайн сатып алуды жүзеге асырады. 2015 жылы электрондық сауданың  көлемі  Малайзияда  1,5 млрд долларды құрады.  Малайзия үкіметі стратегиясының аясында  экспорттық өнімді дамыту бойынша  электрондық коммерцияны  дамытуға аса назар бөлініп жатыр, ол eTRADE электрондық сауда бағдарламасын ендіруді құрамына алады.

Ведомствоның хабарлауынша, компанияның бизнес-моделі жоғарысапалы халал өнімді бар әлемге тарату болып табылады. Әлемдік нарықтың жалпы көлемі өткен жылы 2,3 трлн долларды құраған болатын.  Оның 693 млрд доллары  азық-түлікке кетті, оны тұтынған адам саны 4 млрд адамды құрады.

Бүгінгі таңда азық-түліктен басқа фармацевтика және косметикалық өнім қолдануының өсімі артуда.  Халал стандартындағы жеке қолдану заттарының да көлемі артып келеді.

«Aladdin» компаниясы халықаралық қатысу шекарасын кеңейту аясында Қазақстанның іскерлік топтарымен байланысты дамытуға мүдделі екендерін айтты. Бұл екі ел арасындағы тауар айналымын арттырады.