• Басты
  • Ақтөбе облысында рельс дәнекерлеу кәсіпорны салынады
29 Тамыз, 2016 08:41

Ақтөбе облысында рельс дәнекерлеу кәсіпорны салынады

Ақтөбе облысында рельс дәнекерлеу кәсіпорны салынады. Облыс әкімі Бердібек Сапарбаев жаңа рельс дәнекерлеу кәсіпорны құрылысының іргетасын қалау рәсіміне қатысты. Аталған жобаның құны 3 млрд теңге, деп хабарлады Ақтөбе облысы әкімінің баспасөз қызметі.

Ақтөбе облысында рельс дәнекерлеу кәсіпорны салынады | Strategy2050.kz

Ақтөбе рельсарқалық зауытының жұмысы «Теміржол жөндеу» ЖШС үшін Қызғалдақты станциясында рельс дәнекерлеу кәсіпорны құрылысын бастауға ынталандырды.

Аталған инвестициялық-стратегиялық жоба Ақтөбе облысы әкімдігінің қолдауымен ынтымақтастық жөніндегі меморандум аясында жүзеге асырылуда.  

«Теміржол жөндеу» ЖШС бас директоры Искандир  Қарсыбеков облыс әкіміне дайындық жұмыстары туралы хабарлады. Жобаның техникалық-экономикалық негіздемелері әзірленді, жобалау-сметалық құжаттамаларын дайындау жөнінде келісімшартқа қол қойылды, инженерлік-геодезиялық, инженерлік-геологиялық жұмыстар жүргізілді.  Бұл жобаның ерекшелігі рельс дәнекерлеу кәсіпорнының рельсарқалық зауытының қасына салынуы. Өз кезегінде аралық логистикалық сатылар қысқарады, шығын мөлшері аз, заманауи және оптимальды шешімдер өндіріс тиімділігін арттыра түсіреді.

Жоба екі жылдың ішінде жүзеге асырылады. Жаңа инновациялық кәсіпорынға жабдықтарды Aigre Technology Co. in Chengdu компаниясы жеткізеді, өндірістік қуаттылық жылына 500 шақырымнан кем болмауы тиіс.

Аймақ басшысы жиналғандарды өңір үшін маңызды шарамен құттықтады.

“Бүгін «Теміржол жөндеу» ЖШС рельс дәнекерлеу кәсіпорны құрылысының іргетасы қаланды. Бұл жоба Ақтөбе рельсарқалық зауыты өндіретін ұзындығы 120 метрлік рельстерді дәнекерлеуге мүмкіндік береді және «ҚТЖ» ҰК» АҚ жол шаруашылығының қажеттілігі толығымен өтейді. Өз тарапымыздан біз аталған жобаны жан-жақты қолдаймыз”, - деген өңір басшысы облыс әкімдігі, «Қамқор Менеджмент» және «Теміржол жөндеу» логотиптері бар капсуланы құрылыс болатын алаңға салды.  

Кәсіпорында 50 жұмыс орны ашылады.

 

    

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды