• Басты
  • Алматы облысында ат спорты түрінен жарыс өтті (ФОТО)
27 Тамыз, 2016 15:08

Алматы облысында ат спорты түрінен жарыс өтті (ФОТО)

Алматы облысы Жамбыл ауданындағы «Көкбастау» ипподромында Қазақстан Республикасы Президентінің Кубогы үшін Қазақстан Республикасының Конституциясы күніне және Қазақстан Республикасы Тәуелсіздігінің 25 жылдығына арналған ұлттық ат спорты түрлерінен республикалық жарыстар басталды. Жарысқа Қазақстан мен Қырғызстаннан 180-нен астам сәйгүлік қатысуда, деп хабарлады облыс әкімдігі.

Алматы облысында  ат спорты түрінен жарыс өтті (ФОТО) | Strategy2050.kz

Бәйгенің ашылуында құттықтау сөз сөйлеген облыс әкімі Амандық Баталов жарыстың Конституция күніне арналып отырғанын, мұндай шаралар саламатты өмір салтын насихаттауға, қазақ халқының салт-дәстүрін жаңғыртуға септігін тигізетінін атап өтті.

« Ардақты ағайын! Біз ежелден ат құлағында ойнап, желмен жарысып, сәйгүлік баптаған елдің ұрпағы екенімізді мақтан тұтамыз. Бүгінгі «жүзден жүйрік, мыңнан тұлпар» шығар сәйгүліктерге үміт артып келген барлық атбегілер мен шабандоздарға жеңіс тілеймін», - деді А. Баталов. 

Жарыс бағдарламасында 5 шақырымға тай жарысы, 11 шақырымға  құнан бәйге, 16 шақырымға топ бәйге, 9 шақырымға жорға аттар жарысы, 25 шақырымға Аламан бәйге және көкпар тартудан жарыстар өтуде. Сонымен қатар бағдарламада теңге ілу, қыз қуу, көкпар және аударыспақ ұлттық спорт түрлерінен көрсетілімдер бар.

Аламан бәйгенің бас жүлдесіне Қазақстан Республикасы Президентінің Кубогы мен жол талғамайтын автокөлік, бәйгенің басқа түрлеріне жүлдеге жеңіл автокөліктер мен ақшалай сыйлықтар тігіледі.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды