Степногорск қаласында жеке меншік балабақша мен өнеркәсіп қолданысқа берілді
1 Желтоқсан, 2013 10:40
ҚР Тұңғыш Президентінің Күніне орай Степногорск қаласында жеке меншік «Дарын» балабақшасы мен арматура өндіретін зауыт қолданысқа берілді, деп Ақмола облысы әкімдігінің баспасөз қызметі хабарлады.
«Ашылған балабақша – мемлекеттік-жеке меншік серіктестік аясында ашылған бірінші мектепке дейінгі мекеме, оған республикалық мемлекеттік «Балапан» бағдарламасы қолдау көрсеткен», - делінген хабарламада.
Тұңғыш Президент Күніне орай «Горняк» мәдениет үйі жөндеуден кейін тапсырылды.
Сондай-ақ, облыста «Ak Su Steel» инвестициялық жобасы іске қосылды. Ол Индустрияландыру картасы бойынша ауыр арматураны өндіреді.
« Кәсіпорында жылына 2,4 мың тонна өнім шығару жоспарланып отыр», - деп әкімдікте нақтылады.
