ДСМ-де Тұңғыш Президент Күніне орай салтанатты шара болып өтті
1 Желтоқсан, 2013 10:10
Қазақстан Республикасының Денсаулық сақтау министрлігінде мемлекеттік мереке - ҚР Тұңғыш Президенті күніне арналған салтанатты жиын болып өтті, деп ведомствоның баспасөз қызметі хабарлады.
«Жиында бұл күн Қазақстан халқының Елбасы Нұрсұлтан Әбішұлы Назарбаевқа терең қадір-құрметінің жарқын көрінісі екені атап көрсетілді», - делінген хабарламада.
Мемлекет басшысы бекіткен «Саламатты Қазақстан» мемлекеттік бағдарламасы табысты іске асырылуда. Медициналық қоғамдастықтың аянбай еткен еңбегі нәтижесінде Президент қойған міндеттер табысты орындалуда.
Денсаулық сақтау саласы - елдің бәсекеге қабілеттілігі мен ұлттық қауіпсіздігінің маңызды факторларының бірі.
Салтанатты іс-шара барысында мемлекеттік қызмет жүйесінде 20 жылдан астам еңбек етіп келе жатқан ҚР Денсаулық сақтау министрлігінің қызметкерлері «Үздік мемлекеттік қызметкер» төсбелгісімен мараптаталды. Ал мемлекеттік қызметке жаңадан келген жас мамандар ант қабылдады.
