• Басты
  • Н. Назарбаев: Олимпиадалықтардың жеңісі көпэтникалық Қазақстан халқының бірлігін айқындады
26 Тамыз, 2016 16:12

Н. Назарбаев: Олимпиадалықтардың жеңісі көпэтникалық Қазақстан халқының бірлігін айқындады

Олимпиада медалі, жоғары спорт нәтижелері мен спортшылардың жетістіктері Тәуелсіздіктің 25 жылдығына арналып отырған құрмет. Олимпиадалықтардың жеңісі көпэтникалық Қазақстан халқының бірлігін айқындады, деді Елбасы Нұрсұлтан Назарбаев ХХХІ жазғы Олимпиада ойындарының жүлдегерлеріне құрмет көрсету салтанаты барысында.
Н. Назарбаев: Олимпиадалықтардың жеңісі  көпэтникалық  Қазақстан халқының бірлігін айқындады

«Құрметті, олимпиадалықтар, ардақты қазақстандықтар  сіздерді Риодағы ХХХІ жазғы Олимпиада ойындарында  жоғары нәтиже көрсеткендіктеріңмен құттықтаймын. Олимпиада медалі, жоғары спорт нәтижелері  мен  спортшылардың жетістіктері   Тәуелсіздіктің 25 жылдығына  арналып отырған   құрмет», - деді Елбасы.

Президент айтып өткендей,  Ұлттық құрама тек өзінің серіктестерінің ғана емес, барша қазақстандықтар мен жанкүйерлердің үмітін ақтады.

«Олимпиадада ұлттық құрама  әр түрлі спорт түрінен 17 медаль алды, бұл өзге Олимпиадардағы көрсеткіштерден жоғары. Ресми емес медальдік нәтижеде біздің құрама  270 команданың ішінен  22  орынды алды», - деді Елбасы.

Сондай-ақ, Н.Назарбаев Олимпиадалықтардың жеңісі  көпэтникалық  Қазақстан халқының бірлігін айқындағанын айтып өтті.

«Біздің құрамада әр түрлі ұлт өкілдері бар,  бірақ бар Қазақстан сіздерге жанкүйер болды. Бізге осындай қуаныш сыйлағандарың үшін алғыс білдіреміз», - деді Н.Назарбаев.

Айта кетейік, төртжылдықтың басты додасында еліміздің намысын 26 спорт түрінен 104 спортшы қорғады.

Рио-де-Жанейро қаласында өткен Олимпиада ойындарында Қазақстан спортшылары 3 алтын, 5 күміс, 9 қола медаль еншіледі. Жалпы командалық есепте қазақ елі 22-ші орынды иеленіп, медаль саны жағынан рекорд жаңартты.+

Бұған дейін еліміз Атлантада - 11, Сиднейде - 7, Афиныда - 8, Бейжіңде - 13, ал Лондон Олимпиадасында 13 медаль еншілеген болатын. Ал осы жолы ұлттық құрама 17 жүлдені жеңіп алды.

Индира Кауметова

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды