ҚР Тұңғыш Президентінің Күніне орай қазақстандық студенттер Ригада халықаралық кеш ұйымдастырды

«Шараға Латвия, Франция, Түркия, Италия, Германия, Үндістан, Марокко, Әзірбайжан, Өзбекстан елдерінен 100-ден аса студент жиналды», - делінген хабарламада.

Қазақстандық студенттер Нұрсұлтан Назарбевтың жетекшілігімен елдің даму тарихын айтып өтті. Кешке қатысушылар Қазақстанның халықаралық бастамалары туралы ақпар алды. Сондай-ақ, Астанада өтетін «ЭКСПО-2017» көрмесі де тілге тиек етілді.

Сондай-ақ, студенттер әр елдегі отандастарын  «АТОМ» жобасын қолдауға шақырды. G-Global бағдарламасының қызметін де алға тартты.

Шара аясында мерекелік концерт ұйымдастырылды. Онда қазақтың салт-дәстүрі де паш етілді.

Сондай-ақ, шетелдік студенттер үшін Қазақстан  туралы  викториналық сұрақтар ұсынылды.