• Басты
  • Дариға Назарбаева: Мемлекет тапсырыс берген зерттеулердің нәтижелері ашық жариялымда болуы тиіс
26 Тамыз, 2016 11:48

Дариға Назарбаева: Мемлекет тапсырыс берген зерттеулердің нәтижелері ашық жариялымда болуы тиіс

Үкімет Үйінде ҚР Премьер-Министрінің орынбасары Дариға Назарбаева республикалық бюджет және халықаралық ұйымдармен бірлескен жобалармен қаржыландырылатын сараптамалық және әлеуметтік зерттеулер мәселелері бойынша кеңес өткізді, деп хабарлады Премьер-Министрдің ресми сайты.
Дариға Назарбаева: Мемлекет тапсырыс берген зерттеулердің нәтижелері ашық жариялымда болуы тиіс | Strategy2050.kz

Кеңес барысында Д. Назарбаева тақырыптардың қайталануын жойып, жүргізілетін зерттеулер әдістемесіне ортақ талаптар бекітуді тапсырды.

«Міндетті түрде қазақстандық мазмұн болуы тиіс. Біз тапсырыс берушілерміз, біздің өз талаптарымыз болуы тиіс. Егер бұл талаптар бізде нақты көрсетілмеген болса, біз олардан жұмыс сапасының қандай кепілдігін күтеміз. Бұл жұмысты жылдың соңына дейін Ұлттық экономика министрлігі білім және ғылым, сонымен қатар қаржы министрлігімен бірлесіп жөнге қоюы тиіс», - деді Д. Назарбаева.

Бұдан бөлек, ҚР Премьер-Министрінің орынбасары соңғы үш жылға республикалық бюджеттен қаржыландырылатын зерттеулердің тиімділігіне талдау жасауды тапсырды.

«Ең бастысы - олардың нәтижелеріне практикалық қолданыс табу. Ол үшін зерттеулер нәтижелері мен мемлекеттік ведомстволарға берілген ұсыныстардың кең таралуын қамтамасыз ету қажет. Сонымен қатар, тапсырыс берілген зерттеулердің қолжетімділігін жақсарту қажет, барлығы ашық жариялымда болуы тиіс», - деді Д. Назарбаева.

Отырыс барысында ҚР ұлттық экономика министрінің орынбасары Мәдина Әбілқасымова атап өткендей, ағымдағы жылы мемлкекеттік органдар 2017-2019 жылдарға жалпы сомасы 2,8 млрд теңге болатын 13 зерттеу жүргізу қажеттілігі туралы қосымша ұсынған. Сонымен қатар, халықаралық ұйымдармен ынтмақтастық аясында ҚР Үкіметі 10-нан астам бірлескен зерттеу жүргізу жоспарланып отыр.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды