• Басты
  • СІМ: Қазақстан - ядролық қаруды таратпау саласындағы жаһандық көшбасшы
26 Тамыз, 2016 09:01

СІМ: Қазақстан - ядролық қаруды таратпау саласындағы жаһандық көшбасшы

БҰҰ Қауіпсіздік кеңесінің резолюциясына сәйкес жыл сайын 29 тамызда атап өтілетін Ядролық сынақтарға қарсы халықаралық күні аясында Гаага қаласындағы «Бейбітшілік үшін мәңгі алауы» («World Peace Flame») ескерткішіне Шығыс Қазақстан облысынан жеткізілген «Бейбітшілік тасы» рәмізін орнату рәсімі өтті, деп хабарлады СІМ.

СІМ: Қазақстан - ядролық қаруды таратпау саласындағы жаһандық көшбасшы | Strategy2050.kz

Қазақстанның Нидерландтағы Елшілігі мен «World Peace Flame» қорының ұйымдастырған іс-шара ү.ж. 24 тамызда өтіп, Семей ядролық сынақ полигонының жабылуына 25 жыл толуы мен Қазақстанның ядролық қарусыздандыру, таратпау, бейбітшілікті пен халықаралық қауіпсіздікті нығайтудағы үлесіне арналды.

Рәсімнің ашылуында сөз алған Елші Мағжан Ілиясов Семей ядролық сынақ полигонын жабу мен ядролық қарудан өз еркімен бас тарту жөніндегі Елбасы Нұрсұлтан Назарбаевтың тарихи шешімін атап өтті. Орталық Азияда ядролық қарусыз аймақ құру, БҰҰ-мен Ядролық сынақтарға қарсы халықаралық күнінің енгізілуі, Ядролық қарусыз әлем жөніндегі декларацияның қабылдануы, Халықаралық атом қуаты агенттігінің төмен байытылған уран банкісінің орналастырылуы, «Әлем. ХХІ ғасыр» манифесті ұсынылуы мен Мемлекет Басшысының басқа да бастамаларының іске асырылуы Қазақстанды ядролық қаруды таратпау саласындағы жаһандық көшбасшы ретінде танытқаны атап өтілді.

Өз сөз сөйлеуінде Нидерландтың Қазақстандағы бұрынғы елшісі Ханс Дриссер, Химиялық қаруға тыйым салу жөніндегі ұйымының Сыртқы қатынастар директоры Кай Чен және «Бейбітшілік үшін мәңгі алауы» қорының өкілі Джон Юргенс Қазақстанның халықаралық қауіпсіздік саласындағы, ядролық қарусыз әлем құрудағы күш-жігерін жоғары бағалады. Қазақстанның антиядролық бастамалары халықаралық қауымдастық тарапының кең қолдауына ие болып, әлемдегі бейбітшілік пен тұрақтылықты нығайтудағы ортақ беталыстың біріге жұмылуына себеп болғандығы атап өтілді.

«World Peace Flame» ескерткіші - әр елдің бейбітшілікке қосқан үлесінің символы ретіндегі 196 мемлекеттен әкелінген тастармен қоршалынған мәңгі алау болып табылады. Тастардың арасында бірегей кездесетіндері бар. Мысалға ескерткіште Берлин қабырғасының сынығы, Нельсон Мандела көптеген жылдар қамауда отырған Роббен аралының тасы бар. Қазақстан ядролық сынақтардан едәуір зиян шеккен Шығыс Қазақстан облысынан жеткізілген таспен ерекшеленіп отыр. 

Монумент «World Peace Flame» ХХ ғасырда салынған әлемге әйгілі архитектура ескерткіші болып табылатын, БҰҰ Халықаралық Соты мен Тұрақты Аралық Сот палатасының орналасқан Бейбітшілік Сарайының («Peace Palace») аумағында салынған. Сарайдың саябағы қала тұрғындары мен туристтердің сүйікті көрікті жерлерінің бірі болып табылады.

Ендігәрі «Бейбітшілік үшін мәңгі алауы» ескерткішіндегі Шығыс Қазақстаннан жеткізілген «Бейбітшілік тасы» адамзатқа ядролық сынақтан келер қасіреттің қайталануына жол бермеу мен Қазақстанның жаһандық бейбітшілік пен қауіпсіздікті нығайтудағы үлесінің әрдайымғы естелігі болады.

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды