• Басты
  • «Ядролық қарусыз әлем құру» халықаралық конференциясына әзірлік аяқталып келеді
25 Тамыз, 2016 11:17

«Ядролық қарусыз әлем құру» халықаралық конференциясына әзірлік аяқталып келеді

Сенат Төрағасы Қасым-Жомарт Тоқаевтың төрағалық етуімен Семей ядролық сынақ полигонының жабылуына 25 жыл толуына арналған «Ядролық қарусыз әлем құру» халықаралық конференциясына әзірлік жөніндегі Ұйымдастыру комитетінің қорытынды отырысы болды, деп хабарлады Сенат.

«Ядролық қарусыз әлем құру» халықаралық конференциясына әзірлік аяқталып келеді | Strategy2050.kz

Қосалқы ұйымдастырушысы Ядролық қаруды таратпау және жою жолындағы парламентшілердің (PNND) халықаралық ұйымы болып табылатын форум 29 тамызда Тәуелсіздік сарайында болады. Сенат Төрағасы ұйымдастыру комитетінің мүшелеріне шараға әзірлік пен өткізу барысын нақты үйлестіруді қамтамасыз етуді, сарапшылармен бірлесе отырып қорытынды құжатты келісуді аяқтауды, сондай-ақ форумды ақпараттық тұрғыда қолдаудың сапалы болуының маңыздылығына назар аударды.

«Конференцияның халықаралық маңызы бар, өйткені ядролық қарудан ерікті түрде бас тарту және, әсіресе, Семей ядролық полигонының жабылуы – әлемдік қарусыздану тарихындағы алғашқы және соңғы оқиға», - деп атап өтті Қ.Тоқаев.

Халықаралық конференцияға әзірлік барысы туралы Президент Әкімшілігі басшысының орынбасары Бағлан Майлыбаев және Сыртқы істер министрінің орынбасары Роман Василенко сөз сөйледі. Жалпы және төрт тақырыптық отырыстар барысында әлемнің 50 елінен келетін 200-ге жуық қатысушылар – халықаралық ұйымдардың басшылары, беделді саясаткерлер, парламенттік қоғамдастықтың мүшелері, сарапшылар және азаматтық қоғам өкілдері қарусыздану және ядролық қаруды таратпаудың өзекті мәселелерін талқылайды. Конференция аясында ядролық қарусыздану мәселелеріне арналған көрме болады. Форумға 200-ден астам қазақстандық және әлемнің 25 елінен келген 50 шетелдік журналистер тіркелді.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды