Н.Назарбаев Сербия Республикасына ресми сапармен барды
24 Тамыз, 2016 08:41
Елбасы Нұрсұлтан Назарбаев Сербия Республикасына ресми сапармен барды, деп хабарлады Ақорданың баспасөз қызметі.
Мемлекет басшысы Белград қаласына келді. Сапар аясында Нұрсұлтан Назарбаев Сербия Президенті Томислав Николичпен шағын және кеңейтілген құрамда келіссөздер өткізеді. Оның қорытындысы бойынша бірқатар екіжақты құжаттарға қол қою көзделген.
Бұдан бөлек, Қазақстан Президентінің Сербияның Премьер-Министрі Александр Вучичпен, Сербия Патриархы Иринеймен кездесуі, сондай-ақ Белград қаласында Жамбыл Жабаевтың ескерткішін ашу салтанатты рәсіміне қатысуы жоспарланып отыр.
