ИДМ: «Астана-Алматы» автожолы 2016 жылдың соңына дейін толық аяқталады
23 Тамыз, 2016 19:49
«Астана-Алматы» автожолындағы жұмыс жыл соңына дейін аяқталады. Бүгінде Ұлттық қордан бөлінген бюджеттік қаржының 20,5 млрд теңгесі игерілді, деп хабарлады Инвестициялар және даму министрлігі.
«Аталмыш бағыт бойынша жұмыстар 2013 жылы Астана-Теміртау учаскесінде және Алматы-Қапшағай (104 км)жолында жүргізілді. Бүгінгі таңда Астана-Теміртау және Алматы-Қапшағай 72 км учаскесі пайдалануға берілді», - делінген хабарламада.
Ведомство хабарлағандай, 2016 жылдың бюджеті 63 млрд теңгені құрады. 20,5 млрд теңгесі, яғни 33 пайызы игерілді.
«Бөлінген қаржы есебінен Астана-Теміртау учаскесінде 159 км, Алматы-Қапшағай – 32 км жол толық аяқталады», - деп хабарлады ведомство.
Сондай-ақ, Теміртау-Қарағанды-Бурылбайтал-Құрты-Қапшағай учаскесін қаржыландыру ЕҚДБ, ХҚДБ қарызы арқылы жүзеге асады. Құрылыс жұмысын 2017 жылы бастап 2021 жылы аяқтау жоспарланып отыр.
Индира Кауметова
