• Басты
  • Қазақстанда кешенді тестілеуді қайта тапсырудан абитуриенттердің жартысынан көбі өтпеді
23 Тамыз, 2016 15:59

Қазақстанда кешенді тестілеуді қайта тапсырудан абитуриенттердің жартысынан көбі өтпеді

2016 жылдың 19 – 21 тамызы аралығында Қазақстанның барлық аймақтарында кешенді тестілеуді қайта тапсыру өткізілді. Бұл шара 37 базалық ЖОО-да орналастырылған тестілеу өткізу пункттарында болып өтті, деп хабарлады БҒМ.

Қазақстанда  кешенді тестілеуді қайта тапсырудан абитуриенттердің жартысынан көбі өтпеді | Strategy2050.kz

Тестілеуге келесі санаттарға жатқызылатын азаматтар қатысты:Ұлттық бірыңғай тестілеу (ҰБТ) барысында төменгі балл деңгейіне жете алмағандар;  ҰБТ-ге қатыспағандар;    талапкерлердің кешенді тестілеуіне (ТКТ) қатысып, төменгі балл деңгейіне жете алмағандар;   ТКТ-ге қатыспағандар;  ҰБТ және ТКТ барысында көрсетілген нәтижелері жойылған азаматтар.

Тестілеуге 41801 талапкер (қатысуға өтінім жасағандар саны – 45025) қатысты, оның 27306 – қазақ тілінде оқуға ниетті адамдар,  14495 – орыс тілінде оқуды таңдағандар.

Тестілеу нәтижелері бойынша төменгі балл деңгейіне 23778 адам (56,884%) жете алмады.

ҰБТ ережелерін бұзғаны үшін 104 талапкер тестілеуден шеттетіліп, олардың көрсеткен нәтижелері жойылды.

Биылғы жылы талапкерлерді моральдық-психологиялық тұрғыдан қорғап, олардың жоғары білім алу мүмкіндіктерін едәуір арттыратын икемді жағдайлар жасалғаны белгілі. ҰБТ және ТКТ нәтижелері бойынша ЖОО-да білім алу мүмкіндігін беретін ең төменгі балл деңгейінен аса алмаған талапкерлер тестілеуді ақылы негізде қайта тапсыра алатын болды.  

Қайта тапсыру қорытындылары бойынша барлық қатысушы талапкерлерге тестілеу барысында алынған көрсеткіштері жазылған сертификаттар тапсырылды. Бұл құжат, талапкер ең төменгі балл деңгейінен асатын көрсеткішке қол жеткізген жағдайда, ЖОО-на ақылы негізде түсу мүмкіндігін береді.

Қайта тестілеу нәижесі бойынша ең төменгі балл деңгейінен аса алмаған талапкерлер ЖОО-на ақылы негізде, күндізгі оқу бөлімдеріне алғашқы академиялық кезеңнің аяғына дейін (1-курстың соңына дейін) қабылданады. Осындай шарт негізінде қабылданған азаматтар бірінші академиялық кезеңнен кейін қайта тестілеуден өтеді. Осы мүмкіндікті пайдаланы алмағандар ЖОО-нан шығарылады. Керісінше, тестілеу қорытындысында жақсы нәтиже көрсеткендер (төменгі балл деңгейінен асатын көрсеткіштерге кол жеткізгендер) келесі курсқа өтіп, оқуларын жалғастырады.

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды