Қызылорда облысында астық жинау науқаны аяқталды
22 Тамыз, 2016 10:22
Қызылорда облысында астық жинау науқаны аяқталды, деп хабарлады облыс әкімдігінің баспасөз қызметі.
Биыл облыс бойынша барлығы 168,5 мың гектар жерге дән егілді. Бүгінгі таңда бидай, жоңышқа мен сұлы жиналып болды. Аталмыш дақылдардан өткен жылға қарағанда мол өнім алдық. Биыл күріштен де гектарынан 55 центнерден өнім аламыз деп жоспарлаудамыз. Күздік бидай әр гектарынан - 15,7 центнерден, көктемгі бидай – 14,9 центнерден ал жоңышқа – 14,7 центнерден жиналды. Мұның барлығы ала жаздайғы шаруалардың еңбегінің жемісі.
Биыл 79,6 мың гектар жерге егілген күріштің 60,5 мың гектары жақсы, ал 16,7 мың гектары орташа деп бағаланып отыр. Қазіргі таңда барлық күріш алқаптары өнімді жинауға дайын.
