СІМ: Қазақстан БҰҰ ҚК алдындағы халықаралық проблемаларды шешуге атсалысады

19 Тамыз, 2016 17:33

Қазақстан Республикасының Біріккен Араб Әмірліктеріндегі Елшісі Қайрат Лама Шариф Әмірліктерде аккредиттелген дипломатиялық корпус, Сыртқы істер министрлігі, компаниялар мен халықаралық ұйымдар және бұқаралық ақпарат құралдарына брифинг өткізді, деп хабарлады СІМ.

Брифингтің негізгі мақсаты шақырылғандарды Қазақстан Республикасының халықаралық сахнадағы өзекті бастамаларымен таныстыру болды.

Қазақстандық дипломат брифинг қатысушыларына ҚР Президенті Нұрсұлтан Назарбаевтың 2016 жылғы сәуірде Вашингтонда өткен ядролық қауіпсіздік жөніндегі саммиті шеңберінде ұсынған «Әлем. ХХІ ғасыр» жалпы әлемдік дамудың жаһандық стратегиясы бойынша бастамасы туралы егжей-тегжейлі хабарлады.

Ғаламдық қауіпсіздік проблематикасы әлемдік қауымдастықтың алдыңда бұрын-соңды болмағандай маңызға ие және Қазақстан Президенті өзінің Манифесінде жаһандық бейбітшілік пен қақтығыстарды реттеуге жету үшін негізгі қадамдарды белгіледі. Брифингте Елшілік араб және ағылшын тілдерінде шығарған «Манифест: Әлем. ХХІ ғасыр» брошюрасы ұсынылды.

Бұл жерде Елші негізгі мақсаты азаматтық қоғам мен үкіметтік емес және жастар ұйымдарын ядролық қаруды сынауды тоқтату мен ядролық қаруды сынауға жаппай тыйым салу туралы Шарттың тезірек күшіне енуіне жәрдемдесуге тарту болып табылатын Мемлекет басшысының – АТОМ жобасы (Abolish Testing. Our Mission) бастамасының белсенді іске асып жатқанын атап өтті.

Қ. Лама Шариф Қазақстанның қауіпсіз әлем құрудағы белсенді ұстанымы әлемдік қауымдастықпен мойындалып, қолдауға ие болғанын хабарлады. Мұнын көрнекті мысалдары ретінде Семей полигонының жабылуы мен Қазақстанда МАГАТЭ туы астында Төмен байытылған ядролық отын банкін құру табылады.

Сонымен қатар, Елші брифинг қатысушыларына ү.ж. 29 тамызда Астанада Семей ядролық полигонының жабылуының 25-жылдығына арналған «Ядролық қарусыз әлем құру» туралы халықаралық конференцияның өтетінін және оған беделді саясаткерлер, ғалымдар мен қоғамдық қайраткерлердің қатысатынын хабарлады.

Қазақстандық дипломат шет мемлекеттер Елшілеріне ү.ж. маусымда өткен 2017-2018 жж. БҰҰ Қауіпсіздік Кеңесінің тұрақты емес мүшесін сайлауда Қазақстанның кандидатурасына қолдау көрсеткендері үшін алғысын білдірді.

Ол Қазақстанның осы жауапты қызметте қазіргі кезде БҰҰ ҚК алдыңда тұрған өзекті халықаралық проблемаларды шешуде өзінің тәжірибесі мен арнайы білімін қолдануда барлық күшін салатынын атап өтті.

Брифингтің соңында іс-шараға қатысушыларға Қазақстан Республикасының сыртқы саяси бастамаларына арналған ақпараттық-имидждік материалдар таратылды.