Қазақстандық фармацевтикалық өнім Түрікменстанда таныстырылды (ФОТО)
19 Тамыз, 2016 17:12
Ашхабадта «Saglyk-2016» (Денсаулық) халықаралық көрмесі өтті. Бұл туралы «KAZNEX INVEST» АҚ хабарлады.
Түрікмендік медициналық кәсіпорындар мен мекемелердің стендтері көрмесінде 240 компанияның экспонаты таныстырылды. Оның ішінде фармацевтикалық өнім, медициналық қондырғы мен шығындық материалдар, медициналық-диагностикалық, лабораториялық және емдеу қондырғысы 42 елден жеткізілді.
«KAZNEX INVEST» АҚ аталмыш көрмеде 3 қазақстандық өндірушілерді таныстырды.
Мәлімет бойынша, қазақстандық салаларды ілгерілету мақсатында 2016 жылдың 25 тамызында «KAZNEX INVEST» Түрікменстанның сауда-өндірістік палатасымен бірігіп Ашхабадта 30 қазақстандық компанияның қатысуымен сауда миссиясын өткізеді.
