• Басты
  • Қазақстанда «Сексеуіл» ескерткіш күміс монеталары айналысқа шығады
19 Тамыз, 2016 15:33

Қазақстанда «Сексеуіл» ескерткіш күміс монеталары айналысқа шығады

Қазақстан Республикасының Ұлттық Банкі 2016 жылғы 19 тамызда «Қазақстанның флорасы мен фаунасы» монеталар сериясынан номиналы 500 теңгелік, «рroоf» сапалы «Сексеуіл» ескерткіш күміс монеталарын айналысқа шығарады, деп хабарлады Ұлттық банктің баспасөз қызметі.
Қазақстанда «Сексеуіл» ескерткіш күміс монеталары  айналысқа шығады | Strategy2050.kz

Монета сопақша формалы. Монеталардың бет жағында (аверсінде) Жер ғаламшарын мекен ететіндердің барлығына ұқыпты қарауды білдіретін оның адам алақанындағы стильдендірілген бейнесі, номиналын білдіретін «500 ТЕҢГЕ» деген жазу, монета дайындалған металды, оның сынамын және массасын білдіретін «Ag 925 24 g» деген жазу бар.

«Жоғарғы бөлігінде Қазақстан Республикасы Ұлттық Банкінің логотипі орналасқан. Монетаны айналдыра мемлекеттік тілде «ҚАЗАҚСТАН ҰЛТТЫҚ БАНКІ» және ағылшын тілінде «NATIONAL BANK OF KAZAKHSTAN» деген жазу бар. Монеталардың реверсінде шөл далада гүлдеп тұрған сексеуілдің бейнесі және соғылған жылын білдіретін «2016» деген сан бейнеленген. Монетаны айналдыра мемлекеттік тілде «СЕКСЕУIЛ» және осы түрдің латын тіліндегі зоологиялық атауы «HALOXYLON» деген жазу бар. Монетаның оң жағында гүлдеп тұрған сексеуілдің бір бұтағының ұлғайтқыш шыны арқылы көрінген бейнесі берілген», - делінген хабарламада.

Бұтақтың түсі тампомөр технологиясы арқылы орындалған. Монеталардың бет және сырт жағындағы бейнелер мен жазбалар бедерленген. Айналдыра шығыңқы жиек жүргізілген. Қыры (гурты) бедерлі. Монеталар 925 сынамды күмістен жасалған, массасы – 24± 0, 24 грамм, сопақша 38,61 - 28,81 мм., дайындау сапасы – «proof», таралымы – 3 мың дана. Номиналы 500 теңгелік ескерткіш монеталар Қазақстан Республикасының бүкіл аумағында көрсетілген құнымен төлемнің барлық түрлері бойынша, сондай-ақ банк шоттарына және аударым жасау үшін қабылдануға міндетті, Қазақстан Республикасының барлық банктерінде шектеусіз ұсақталады және айырбасталады.

Сексеуіл (лат. Halóxylon) – ағаш өсімдіктерінің түрі. Шөл далада өсетін ағаш тоғайы – сексеуіл орманын қалыптастырады. Аша бұтақты және жас бұтақтары сынғыш бұталар немесе биік емес ағаштар. Жапырақтары бір-біріне қарсы орналасқан ұсақ түссіз қабыршақ немесе дөңес пішіндес. Діңі тегіс емес, мықты, кейде сынғыш болып келеді. Қабығы ақ, қара немесе қоңыр түсті. Монета реверсінде тампомөр пайдалана отырып орындалған. Ескерткіш монеталарды «Қазақстан Республикасы Ұлттық Банкінің Қазақстан теңге сарайы» шаруашылық жүргізу құқығындағы республикалық мемлекеттік кәсіпорны дайындаған.

 Монеталардың дизайны Қазақстан Республикасы Президентінің 2003 жылғы 25 қыркүйектегі № 1193 Жарлығымен бекітілген Қазақстан теңгесі – ұлттық валюта банкноттары мен монеталары дизайнының тұжырымдамасына сәйкес әзірленген. «Proof» сапасымен жасалған ескерткіш монеталар коллекциялық құны бойынша сатуға арналған. Олар кәдесыйлық ораумен шығарылады және Қазақстан Республикасы Ұлттық Банкінің мемлекеттік, орыс және ағылшын тілдеріндегі нөмірлік сапа сертификатымен жабдықталған.

 

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды